(11) 我不配
我收起啜泣声线接起电话,
"喂"
"喂,呀Dick,Alan哥呀,记唔记得我呀?"
"嗯,梗系记得,Alan哥喎"
"系咪呀,唔好呃我喎"
"我。。我。点会唔记得你。。"
"哈哈,咁就好"
Alan哥约咗我系尖咀既一间Bar见面,话晒咁耐冇见,加上岩先俾人玩完,拿拿临返屋企冲个凉换返件衫,执返个人样先再出去。落到去已经九点几,Alan哥一早到左,简左个冇乜人既角落位,佢知我唔锺意同其他人坐得咁close,因为坐到咁埋好似讲乜都听到哂。仲一早叫左我锺意饮既 真系好难怪我会锺意佢,一个咁贴心既男人,虽然系好少事,站系佢立场黎讲更加系对朋友应该做既,但对於一个gay黎讲,呢类直男真系好易令人迷恋,动错情。
我拍一拍佢膊头,坐咗系佢对面。我地相望而笑,寒暄,各自讲下最近既动向,旧公司变成点。其实交谈时我一句都听唔入耳,因为只顾留意佢帅气的脸,佢眼神充满住温暖,我发誓佢既笑容亦系我见过最窝心最令既。我好想时间停留系十时三十五分呢一刻,静静地望住佢,听住佢讲佢最近既琐碎事,沉溺系佢低沉有磁性既声音内,不自觉身心都好似被佢揽住,而唔去面对之後既现实。可惜,佢将一封红色既信封递到我面前。"嗯。呀Dick,我。。同隔离team既Erica结婚啦,今日系特登黎话你知。其他人我都冇特登约出黎架,希望你果日会到"
"哦。。好。。好。。嗯。。我尽量。。会黎" 望住佢封囍帖,明明一件好开心既事,我知好应该替佢开心,好努力尝试系面上挂上一副笑容,但真系做唔到。
"唔好挂住我啦,呀Dick你一定会搵到岩你既人既,我。。会记得有个男仔锺意过我" 眼泪不争气的系眼角流下,望住眼前呢个男人,我知道佢值得拥有幸福,像我这种贱货一啲都唔配拥有。。。