,遮一遮佢。啊Chris留意到我嘅小动作,哄埋嚟话,
「有无咁兴奋呀?条仔好正??俾我睇下?」
唔知系咪受到啊Chris嘅好胜心影响,我突然好想俾佢知道其实我都好多靓仔想要同我扑嘢,於是我开咗嗰个人佢instagram俾啊Chris睇。
「真系几正喎,呢个@Ethanatlkf?」
啊Chris拎出自己手机,search到呢个人,然後就follow咗佢。喺instagram作为交友app嘅世界,所有flirting都变得更加容易。一个个story回覆,一个个emoji,我已经幻想到今晚啊Chris同Ethan嘅对话。喺呢场我同啊Chris嘅情感拔河,啊Chris都未用力,我就已经跌低咗。我唔知我喺咪想啊Chris见到Ethan之後有少少妒忌,但系而家佢一啲反应都无,反而我自己一个妒忌紧唔知咩,Benjamin呀Benjamin,你真系好捻蠢呀你。
我又饮咗一杯Vodka Lime,喇叭嘅震动同埋射灯嘅光线缠绕埋一齐,再穿越我嘅瞳孔同耳蜗,拨乱嗰个收埋所有抑压情感嘅箱,令入面嘅嘢又喺心头肆虐。吴雨霏嘅声音低沉地想要安慰我,但系好似唔系好用。
花花世界太过美哪有我踪影
有更心跳选择而比我远远优胜
如何专一都想转性
虽然唔系我拣系我呢个花花世界入面浮浮沉沉,但我都接受咗自己唔会搵到个啲从一而终,长相厮守嘅爱情。由第一日开始就知道,呢啲纠缠不清嘅关系唔会有好结果。但一早知道,唔代表每一次心痛嘅时候会痛少啲。因为,我对呢啲嘢仲系有不切实际嘅幻想。我突然谂起曾经有套电影讲过,我哋都想要拖咗手就一世嘅爱情,偏偏生活喺上咗床都无结果嘅年代。我或者应该接受一下,世界或者都系咁样运作。
我望住层架上面一支又一支嘅酒,行嘅行去无着衫嘅bartender,Dandan同Anton讲紧唔知咩嘢。电话mon突然之间亮起,有一个新讯息。
我讲咗啦。
Are you ok? Drink?
ok.
「喂我有啲嘢,要走先啊。」我望住班已经准备嗌第三round酒嘅友仔,啊Chris听日仲要返工,都仲饮得咁癫,真系成个大细路咁。
「又有仔食呀?咁重色轻友?。」
「唉心淡啦。」
「玩得安全啲呀。」啊Chris奸狡咁笑咗一吓,令我莫名火起,佢仲好意思讲安全。
我转出二十二楼嘅门口,重低音仍然令我沿住升降机槽陪住我走,直到我见到黑色大理石嘅大堂。我转咗出去鹅颈桥方向,截咗架的士。
「西环山道唔该。」
——————
野裸真系好捻正
仲有啲更激嘅
下次先写比你哋睇
大家都系用下体思考嘅人
所以如果我系啊Chris
可能我都系以「有得扑点解唔扑」嘅人生态度行事
唔知Benjie去搵边个呢?
嚟紧三四章都会系情感部分
希望唔会闷亲大家
其实大家嘅message同ent 我都有睇?
多谢大家支持