故事五
第六回 过门考验(下) (阿坤视角)
「系呀!我系佢亲阿妹，你个外人凭咩同我争。哥哥次次考试都会抽时间同我温书?，连佢平时啲同学都无咁待遇。你唔好谂住细个同哥哥玩过，见佢成绩咁好就高攀佢啊!」乐桦生气地把书本放下阿坤坐着的桌上，叉腰怒吒。「你仲好提番以前啲事，以前我同你哥哥玩时候你都成日突然插埋嚟啦。依家你仲要咁猜度我，好过份啊！阿坤 想起从前旧事，忍不着反击。「我有讲错咩？问心嗰句，升上中学之後你好日都冇再同哥哥交往，依家你就嚟要考公开试，搵到机会同哥哥熟返，仲唔别有用心趁机好处?」乐桦定要咬住阿坤不放，心中不希望哥哥吃亏。「你……」乐桦的说话中正阿坤的下怀，他心中确是如她所说「别有用心」，故哑口无言。
「好喇！你哋两个唔好为咗我闹交啦……乐桦，对唔住呀，哥哥见返旧朋友一时太过兴奋就唔记得咗你……阿坤，请你原谅我妹妹咁任性，都怪我呢个阿哥太纵佢啦。最多我请你哋去猩芭黑边饮边温书啦。」枫看见两人因自己而露出难受的表情。两人看到後也感到很抱歉，知道自己把枫推进仇恨间的磨心，便沉默起来。乐桦率先打破僵局说:「我要饮nai沫朱古力珈琲!快啲行啦~」阿坤也会心微笑对枫说:「快啲去氹返你个妹啦。」枫展露爽朗的笑容，收拾好书本离开自修室。
来到咖啡室，阿坤和乐桦坐等枫把饮料送到。「哼，系我赢咗。」乐桦仍然记挂着刚才的胜负，得意洋洋地说。「死妹丁，你又知你赢咗?」阿坤不服气地不屑托头。「因为头先哥哥同我道歉先，你输咗喇~」乐桦像个幼稚的三岁小女孩向阿坤作鬼脸。
「嘿咻，嘢饮送到。」枫把冰冻的饮料放下，连忙向双手呼出暖气。「好嘢！咦？点解我个杯冇nai沫??」乐桦一看见桌上的饮料，二话不说便拿了其中的一杯。「唉，就知道赶唔切。我仲想同你哋讲咖啡店啲nai沫用晒，所以有一杯会冇，我哋猜包剪揼先至拣，咁依家就唔使啦。」枫是一个很有原则的人，原则是他的底线，即使他如何宠自己的妹妹，规矩就是规矩。「我唔制呀！好难得哥哥请饮猩芭黑嘛，求下你同我换啦。哥哥！」在哥哥眼前，乐桦一点也不介意耍别扭。「唔得，我平时要你英文合格又唔见你听话，我饮啦~」枫觉得今天妹妹的行为实在太过份，决定轻微小惩大诫。「唔……」乐桦鼓起泡腮，就是要大小姐发脾气。阿坤看到这个情况，心里灵机一触。
「我让呢杯畀你啦，咁我哋就打和啦，哼！」乐桦接过阿坤的有nai沫饮料，所有恩怨顿时瓦解，露出流浪猫般的眼神。「其实佢都唔系一个坏人啊……」她心想。阿坤此举获得乐桦不少好感值，「 计划通」三字犹如写在他的脸上。「估唔到你治到呢个衰妹。」枫不禁欣慰地笑了，nai沫溅在他的嘴角，阿坤见到便自然地伸出手抹过去。这个瞬间，咖啡店的时间彷佛停顿了一般，一切都像一龄韩剧短暂却浪漫而美好……
下回待续
作者的话
最近看太多韩剧上脑了，科科。