故事七
第三回 月老(上) (阿坤+阿枫+乐桦视角)
「哥哥！我返嚟喇！欸……你拎住我阿哥条底裤做乜？」打开房门的身影－乐桦被眼前震撼的形象吓呆。当然，被逮到正的阿坤吓得?在地上，更甚是想:「可以揾人宜家一枪打死我……」
「我……我头先整冧咗个衣柜，依家返啲嘢！」阿坤编了个可信性极低的藉口蒙混说。「哦……真系咁咩?我知道事实唔系咁喎。」乐桦走近阿坤蹲下盯他诡异地笑说。「真系咁呢……哈哈，我真系论尽……」阿坤慌张地怪笑将内裤放回抽柜里。「我份人唔锺意转弯抹角。你系唔系锺意我阿哥?」乐桦不想逐一识破阿坤的谎言，爽快地对他直话直说。「冇……我唔系Gay?……」阿坤违心地否认，生怕此事被揭发会遭枫的讨厌。「唔洗惊喎，我企系你个边?？。HeHe又好、SheShe又好，只要系真爱，都只系形式上唔同爱。讲真话好冇?」乐桦秉承腐女的大爱Jing神，打从心底愿意支持阿坤勇於追求哥哥。「你真系支持我?」阿坤被乐桦的说话感动到，捉住她的双手说。「哈，所以你真系锺意我阿哥！」「原来你系套我!你想点呀!求下你唔好讲出去。」阿坤又跪又拜的抱乐桦大腿。乐桦反了个白眼说:「乜我系你心目中系个会威胁人女魔头咩?咁样对你未来姑仔?……我系善良纯洁、人见人爱女神嚟?嘛。」「咁即系话……你认同我可以……入门?」阿坤收起泪光说。「系吖，放开我好冇?」乐桦晃动腿说。
大门响起开锁的声音。「我早就谂到计仔帮你，睇我表演喇。」乐桦冲到玄关迎接哥哥。「哥！你返嚟喇！」乐桦就像只树熊般抱拥手上拿啤酒、雪糕和佐酒零食的枫。「阿妹……你好重呀，畀我拎咗啲嘢入去先啦。」阿枫吃力踏进玄关说。「哥……你又偷买酒。」「殊，唔好话畀阿爸阿妈知，最多预埋你啦。」乐桦眼珠滚动:「酒我就唔要喇，我要食甜筒。」「Ok冇问题。」
兄妹俩回到房间，看见阿坤僵硬地盘坐在地上。「我阿妹冇畀到咩嘢麻烦你吗?」枫揉乐桦的头说。「哥哥呀！你唔好讲到你个妹好似混世大魔王咁啦。衰人！我先冇咁得闲为难佢呀！」乐桦娇吒。「系呀唔记得同你讲，呢条友话佢阿嫲返咗大陆冇人煮饭，想过嚟黐餐喎。」乐桦向阿坤打了眼色，他很快就明白她的用意了。「呀~系呀唔好意思……我可唔可以留喺度食餐饭……横掂我哋仲要温多阵嘛……」阿坤和乐桦在化敌为友时意外对很合拍，他们的一唱一和配合得天衣无缝。「冇问题，不过你要有份帮手煮饭喎~」枫叉着腰说。「……原来你识得煮饭?」阿坤对枫是个「煮」家男人加了他不少好感和赞叹分。「阿爸阿妈都要返工，所以煮饭任务就交畀我啦。」枫拍心口自信满满地说。「你好叻呀……我去个厕所先。」阿坤走到厕所向阿嫲打了个电话通知她不会回家吃饭，心中默念:对唔住啊嫲……
在房间里，乐桦掩嘴大笑:「计划通……」
下回待续
作者的话
灵感源源不绝所以追加
现实生活中有没有人会帮你助攻呀?