（二十一）
换完边，换番我发球，我决定加啲上旋，球速虽然慢咗，但变得无咁好救，而好明显，Kenny唔太适应接呢啲加左spin ge波，好快我就顺利保住发球局，终於破蛋，一比三。
换番Kenny发球，可能系因为佢面向阳光受到影响，连开左两球double faults，而我见佢唔系好惯接上旋波，所以每球回球都落spin，而佢好快就俾我破左呢个发球局。
而最後，我就系凭住佢对上下旋波的唔适应，搞到佢越打越颓，最後佢再无攞任何一局，以三比六输咗。
我﹕哈哈，仲话要我食蛋，而家好似系你吞左个隐形六比零喎！
Kenny﹕你出术罗！你成日打spin ball，你明明又无教过我点打！你胜之不武罗！头先果场唔算，再打多场呀！
我﹕有人发穷恶呀！
Kenny﹕咁头先我地无讲系一盘过呀麻！
我﹕顶小学鸡咩，咁都唔认输。
Kenny﹕打多盘啦，仲有成粒钟！
我﹕好啦好啦！怕左你啦！
Kenny﹕不过你下一盘唔准再打spin波呀！
我﹕吓！边度有得限制对手打咩波架。
Kenny﹕总之我唔理，系你之前无教我。
我﹕好啦！不过我一局唔让你咁多分啦，每局15-0开始好啦。
Kenny﹕好啦！不过如果你输左都系我锺意要你点都得架喎。
我﹕哈，其实你想对我点遮！
Kenny﹕到我赢左你咪知罗！
其实我当时真系几好奇如果佢赢左会想对我做咩，但当我一上场之後，就好似上左身咁，完全以打赢佢为最终任务。虽然佢唔俾我用上旋波，但因为我已经有左上一局热身，加上捉住佢反手拍唔稳呢个弱点，最後再赢六比零。
呢盘结束之後，我哋并排坐喺度休息。
我﹕无嘢讲啦系咪！
Kenny﹕估唔到我地实力仲系差咁远…（佢睇落去坚颓）
我﹕唏！咁我打多你咁多年呀麻！唔劲过你又点做你师傅呀！
Kenny﹕你又啱…
然後佢忽然执起刚才放在喺地下的球拍，然後再用球拍柄往我下体督左两下。
Kenny﹕仲谂住玩赢左可以玩吓佢架麻！
我﹕屌你！球场黎架！而且之前你无赢都咁玩啦！
Kenny﹕但如果你输左会俾我玩得心甘情愿啲呀麻。
我﹕咁你去到英国带埋球拍去努力练波罗。
Kenny﹕咁梗系啦！番黎赢硬你呀。
我﹕好啦！攰啦去冲凉然後食饭啦。
果晚Kenny book左喺铜锣湾的Jamie’s Kit，佢之前去过两次都觉得好好食，所以一直话希望临走之前再食一次。咁的确佢个大虾意粉同rou眼扒真系坚好食，Kenny好似惊我食唔饱咁竟然叫左四个main dishes，佢话惊去到读书会挂住香港啲嘢食喎…（我心谂明明外国就大把呢啲西餐）
果晚我地倾左好多嘢，从大家的成长背景等等开始分享，呢次应该系我第一次咁了解佢的事情，从当年点解无出国读书同埋佢对未来的忧虑等等，其实佢屋企系几有钱，而佢屋企人系想佢去完外国读书後就番黎接手屋企啲嘢，但佢就好似仲想试下多啲嘢咁，原来有钱人虽然唔使愁失业，但都真系有佢地的忧虑。
食到十点，饮饱食醉（其实只有佢少少醉，我无点酒），然後我地往地铁站方向行。佢块面有少少红，但应该唔完全醉晒。
我﹕点呀你？使唔使送你番屋企呀？
Kenny﹕你唔系应该邀请我去你屋企咩？
我﹕你有带衫咩？
Kenny﹕以前无带衫都系咁过啦！定你唔方便俾我上去呀？
我﹕方便呀！只不过你後日飞，你唔使执嘢咩？
Kenny﹕执得七七八八啦！咁我今晚瞓你到架啦！
我﹕好啦好啦～
其实我一直以为果次喺Kenny屋企会喺我地喺佢去读书前最後一次上床，我估唔到竟然仲有呢一次…
（待续）
下一篇下礼拜四前更新