。据基佬後来同我哋讲，阿坚同佢孖生细佬阿志都系佢嘅Sex Friend。有时真系唔明基佬点解可以平衡得啲Sex Friend噤好。虽然我都算“交游广阔”但系要我同时维持噤多人都有啲难度。不过我同佢唔同，基佬果个系后宫，人人平等，佢对每个人都好，同每一个都维持一种稳定嘅关系，而我永远只有老婆一个，出面嘅都系雾水通常一次完事，基本都唔会维持。
阿坚有成180公分，对於16岁嘅细路嚟讲，佢算得上好高，而且高高瘦瘦噤，但系同阿豪之前果种瘦得嚟有啲弱嘅感觉唔同，阿坚睇落好健康。
我哋当然唔会放过基佬啦，老婆立即接口话：“唔理嘎啦，你迟到就要受罚！”
基佬知情识趣，亦都无在继续反驳，大方一笑摊开双手：“OK，噤你哋想点罚法阿？”
老婆好狡猾噤同阿文对望一眼，跟住神秘一笑话：“等我哋好好商量下先。”
“我无所谓，不过可唔可以放过我朋友先？”基佬不愧系大佬，尽力保住阿坚。
但系阿坚就笑笑口话：“既然系我累你迟到嘅，噤我就应该一齐受惩罚。唔紧要啦，我哋有祸同当。哈哈。”阿坚嘅语气气定神闲，睇得出系一个几有修养嘅细路。所以後来基佬讲返俾我哋听佢识阿坚嘅过程（番外篇?全因捆绑强奸累事）我哋都觉得有少少难以置信。
就系呢个时候连出去买啤酒、零食嘅Samuel同阿仁都一抽二塄返咗嚟，於是乎老婆就话“OK，你哋嘅惩罚就留返一阵先至决定，而家我哋先开始开饭！”老婆一声令下，我哋就开始喺别墅嘅後院烧我哋带嚟嘅鸡翼，红肠等食物。成个烧嘢食嘅过程都好融洽，大家好快就变得好熟络。虽然已经接近秋天，但系天气依然有少少热，再加上烧嘢食嘅热气，大家好快就成头大汗。Samuel最快顶唔顺，问可唔可以除衫，基佬就好豪气噤除咗件背心搭喺膊头，露出一身黑实嘅肌肉笑住话：“大家都系男人，使咩怕羞啫。”
於是乎我亦都跟住除咗件Tee落嚟。老婆笑我唔知羞，人除我又除，我一挑眉话：“呢啲摆明喺益你哋啲0仔啦。”讲完仲做咗个健美先生嘅招牌动作，Show下我嘅好身材。搞到老婆劲无奈，虽然大家都笑，不过我明显发觉阿仁，同Jerry呢两个第一次见到我裸体嘅0仔不自觉望多咗我两眼。而阿坚同阿东就好大方噤赞我身材好。
因为有我带动气氛好多人都开始除衫，Samuel虽然有啲肚腩仔，但系胸肌发达，睇落一啲都唔觉得肥，阿国虽然睇落瘦，但系除咗衫先至发觉其实佢嘅身材其实几好，虽然唔似得我哋几个有练开嘅噤样有明显嘅肌肉，但系胜在匀称，身材线条相当明显，小腹结实。阿豪果然大只咗，全身嘅肌肉线条都变得明显咗。而0仔之中就只有阿东除咗衫，就外形嚟讲阿东一啲都唔似0仔。佢肌肉线条好明显，而且皮肤黑实，比起好似老婆噤样传统有少少似女仔嘅0仔有一种折然不同性感。
大家饮饱食醉之後，阿坚同诚仔就主动开始执拾，见到佢哋噤主动，老婆亦都开始帮手，结果所有0仔都开始展现出佢哋贤惠嘅一面，各自入厨房执嘢，收拾垃圾…而我哋呢班1仔就转入大厅，继续饮酒，虽然我哋都有提出帮手，不过老婆以我哋啲1仔只会越帮越忙为由拒绝咗。
我哋围埋一齐饮酒，Samuel首先开声对阿豪话：“阿豪，你老婆都几可爱嘅啵，人仔细细噤，睇落好似公仔，好得意。”
阿豪立即答：“你阿仁都OK阿，成个日本明星噤。不过讲靓嘅话，我觉得都系阿Roy个老婆靓仔，眉清目秀好靓仔。”
基佬立即接口：“系啦，当年佢介绍佢老婆俾我哋班兄弟嘅时候，我哋个个都话佢执到阿！”
“话说我听Jerry讲，阿Roy嘅老婆系佢哋嘅商场嘅一枝花，成日都有人搭佢讪嘅啵，你唔怕佢俾人抢咗阿？”阿国跟住问我。
我饮咗啖啤酒笑住话：“当然唔怕啦，老实讲我同我老婆都系中意玩嘅人，如果彼此约束对方反而可能好快就会闷，倒不如彼此自由啲，何况我爱佢，我有自信无论佢喺出面遇到乜嘢人，都唔会有人比我对佢更好更爱佢！因为我亦都一样觉得无论发生乜嘢事，佢都系最适合我果个！”
“嗯，我明白，”阿国话，“虽然Jerry果样唔算好标清，不过我偏偏就系中意佢，有时佢虽然有啲任性不过我都觉得佢好可爱，不过可能两个人一起耐做反而变得平淡咗，所以我哋今晚先至会听你老婆建议嚟参加Party。”
“我老婆几时做埋人哋嘅感情顾问噶？哈哈。”我笑一笑开始话，“你啱啱话Jerry任性，其实之前见佢都OK阿，起码我觉得佢好尊重你，讲到任性…”我用手肘挫一挫咗我隔离，平时多多嘢讲，今日反而鹌鹑噤嘅阿兴话：“你诚仔最近调教得你听教听话喔。”
“你咪乱讲嘢啦，诚仔佢唔系任性！佢亦都无调教我！佢只系会同我讲道理，噤讲清楚咯，明白咯，咪彼此慢慢改咯。”阿兴不愧为绝世好老公，立即为自己老婆讲说话。