加修长,我顺便移正我顶黑色Stussy Cap帽,睇嚟今日又唔觉意有少少MK地出街。22楼嘅截然不同嘅音乐传入耳边,提示差不多到达我哋嘅专属地盘。我打开手机望咗眼时间,1:49,差唔多播广东歌喇喎。
一打开门,就见到两个男人揽埋一旧咀得激烈。主导住呢个kiss嘅男人非常高,比起另外嗰个男仔起码高一个头,深红色Jackwills短袖Tee令佢嘅手臂嘅肌肉若隐若现,而深蓝色嘅短裤系膝上两寸就已经露出佢线条分明嘅大脾,多毛嘅小腿一直延伸到一对纯白色Stan Smith,落得嚟蒲都仲着白鞋,我望清楚个男人个样,无错,就系啊Chris。
我哋行出Lift口,Dandan推咗一下啊Chris,示意我哋到咗。
Chris拧转头,见到我哋,仲沉醉於头先个Kiss之中。
「喂,我哋入去先,唔阻你食仔。」
我笑一笑,穿过门口,尝试行入人逼人嘅舞池之中。喺弧型嘅吧台同木制嘅酒枱中间逼出一条极度难行嘅路,我哋尝试行入尽头发光屏幕方向,但每两步就停一下嘅移动速度实在令人懊恼。我抬头望见圣诞吊饰从天花板下垂,五顔六色嘅射灯漫无目的咁射落我左右前後嘅各个男人,前前後後嘅人手手脚脚都纠缠一齐,有人借意抽水,伸出手喺我身上面游走,我已经惯哂。前面男仔个pat有意无意喺我下体位置上下摆动,大家都借挤拥嘅场合作藉口嚟获取一切肢体接触,而我经过多年嚟夹攻,亦唔避忌所有嘅手多,任由大家抚摸。
呢个时候我已经望到企喺吧台前面嘅Marcus,系上次上嚟搭讪识嘅朋友仔。香港嘅基圈话大唔大话细唔细,但上到嚟22楼,就点都会撞到熟人。我循例say个hi,然後又行前几歩。终於行到吧台尽头,Anton趌个头埋嚟我耳边,
「『樊少皇』今日都喺度喎」喺震耳欲聋嘅音乐下,耳语都必须以大叫嘅方式进行。『樊少皇』喺呢间吧嘅一个长驻Bartender,自从Dandan指出佢同樊少皇好似样之後,我哋就一直咁样叫佢。
「你有无咁锺意j佢呀?使唔使帮你沟佢?」
「我觉得佢系直?。」Dandan加入对话,「佢成日望住我都西口西面。」
「西你面就系直?啦?佢对我好好喎。」我反驳,「不过,我都系锺意啊台仔多啲。」我用目光示意,佢哋沿住我目光投射嘅方向搵到另一个Bartender,生得有啲似台湾人多过香港人,浓眉大眼,笑起上嚟有两只虎牙,白色tee shirt底下有壮实嘅胸肌,我喺星期三Topless day见过太多次。
Dandan喺吧台度捧嚟四杯Jauger Bomb,咁啱啊Chris就行到过嚟。
「一有酒饮你就狗冲过嚟?喎」
「梗系啦,」Chris窃笑,「头先条仔真系正,真系想拉佢去後楼梯帮我含。」
「叻喇叻喇,今晚又咀咗几多条仔呀?」Dandan一啖乾咗杯Jauger,而我都不甘示弱,而且我feel到Pre drink嘅酒精浓度就嚟殆尽,所以即刻灌自己饮。喺22楼入面,酒精喺一种借口,清醒喺一种罪恶。
「我都系啱啱先到?咋,估唔到你哋仲迟过我。」Chris回应。
「有无交换tact呀?比个ig嚟stalk吓?」Anton一有仔仔gup就最兴奋。
Chris攞手机出嚟,打开紫红色嘅i,然後放到我哋面前,
「唔,唔系我个type,」Anton少许失望咁讲,「不过系几靓仔嘅。」
「你同佢两个都系零仔,唔通一齐磨豆腐咩。」啊Chris反咗个白眼,然後将手机放到我面前。「点呀,正唔正呀?3唔3p得过?」我作为vers仔,系四个入面最接近啊Chris呢个DomTop嘅人。虽然啊Chris成日都问我3唔3p得过,而我同啊Chris又的确有上过床,但系同佢3p又真系无试过。不过,如果有机会嘅话,我都唔会拒绝嘅。
「都ok?。系咪嚟真嘅先?」我每次都系咁答。
「啊Chris梗系食净先比你食啦。你等吓啦。」Dandan都捉到套路,知道啊Chris都只不过系个周围Flirt,连朋友都唔放过嘅一枚死狗公,不过,佢又真系有咁嘅本钱嘅。
啊Chris利用傲人嘅190身高帮我哋又叫咗Round Vodka Lycee,甜度掩盖住酒精嘅刺喉,容祖儿嘅隆重登场喺角落嘅喇叭响起,一班基佬们都非常兴奋,果然都系广东歌先系香港基佬嘅慰藉,无论呢一刻揽住嘅系咩人,都可以由衷咁随住节拍摇摆身体,喺呢个既逼夹又炽热嘅Dance floor中央寻找到一点心灵嘅满足。
不管以後谁 称霸称皇 难及我今晚 声势壮
大概系得22楼,先会有个咁样嘅地方,只系为我哋而设嘅地方。
强劲嘅节拍喺喇叭无休止咁播放,而我哋