第十六章
上回讲到我明明应承咗同ALVIN去旅行但系又好任性咁计划咗个基本上系唔会见到佢嘅行程，明明谂住佢会发癞会觉得我玩佢，可能会因为咁唔再理我唔再睬我，但佢无咁做不特止仲话佢之後会黎搵我，咁窝心嘅行为又点到我唔冧，好多人都会觉得我系应该要同ALVIN一齐，因为除咗佢结咗婚呢个缺点之外其实都无咩缺点，更加对我好好，就算真系一齐咗对我都无损失。但其实我对自己真系无信心，可以讲系因为细个俾人HURT过仲要系HURT咗次甘嘅，令我对爱情真系唔够胆投入，人地成日都话一朝被蛇咬、十年怕草绳，我都好肯定呢句说话系啱嘅，如果唔系都唔会到宜家都唔敢去太爱一个人。
话说小弟FORM1开始就去咗加拿大读书，其实一个人喺另一个国家真系好闷，一开始又唔识英文而我屋企人又唔开心我一个人，所以唔知喺边度搵咗间HOMESTAY俾我同一对老夫妇住，其实呢对老夫妇真系好好人对我照顾真系好周到，不过佢地同学校真系太太太太远啦，一日一来一回都至少用三个几钟，而且如果系搭巴士系半个钟先一班车，所以我每一日生活都系同一样嘅返学放学赶巴士，因为TRY完全系无野玩而自己又唔识听英文，所以电视都唔识睇就日日喺花园个淋花仔，如是者呢个闷到爆嘅生活就过咗三年，虽然MIDDLE SCHOOL真系好摺好白痴，日日对住啲英文唔系好我好多嘅鬼仔，都唔知做过啲咩。
喺升HIGH SCHOOL果年嘅暑假返咗黎香港识咗自己第一个男朋友，其实佢已经出咗黎做野，喺尖沙咀间ISA做SALES，虽然日日都好早出晚归，但呢两个月系我过得最开心嘅暑假，其实我本身自己就好独立，屋企人都唔系好理我，所以咩都要自己做，但呢两个月我终於知咩叫依赖，可以靠晒一个人嘅感觉好好，佢对我真系好照顾，朝朝都会煮早餐同我一齐食(系，我好快就已经搬咗去佢度同佢住)，每晚又会买埋宵夜同我食，一得闲就会同我呢度去果度去，初恋都总系觉得SWEET嘅，以为分开一阵都唔会有太大影响，因为放假都一定会返黎香港，我仲应承咗佢大学一定会返黎读，咁三年之後就可以真正一齐。放完假返加拿大果日佢都有黎送我机，因为佢知我成家人都会而佢系无可能近距离见到我，所以佢突登请咗两日假去上海，咁我地就可以入到禁区都见到，佢可以陪到我上机果刻。
返到加拿大我地日日都仲日日会联络，有时会倾到真系好挂住佢好想返香港，不过我知我要好好读书咁捱三年就可以同佢一齐。喺我开咗学一个星期之後有一晚佢打咗个电话俾我
男：『我真系好挂住你好想见到你，我觉得要咁捱三年真系唔掂
我：『咁都无办法架，最多我影多几张相俾你罗
男：『有相见唔到你真人又有咩意思，我想拖下你鍚下你都唔得
我：『我都好想，但我都无办法
男：『不如你任性一次返黎香港啦，你老豆咁鍚你应该唔会嬲，最多你住我度我养你罗，好唔好？
我：『点可以咁
男：『唔通你又忍到唔见我几年？我两个星期已经好似无咗灵魂咁啦，返黎啦
果晚佢讲咗好多我地嘅将来，佢做SALES都算搵到钱，其实真系可以养得起我，加上佢讲得好啱嘅系要等到CHRISTMAS先有得再见我都唔知支唔支持得住，所以就决定咗听佢话住性一次，可能呢个选择真系错，不过我就唔信自己喺香港就读唔到书就会饿死，所以就担粗粗同我老豆讲我要返香港，我讲到喺加拿大辛苦到想死咁，再喺个咁荒芜嘅地方读书我会顶唔住自杀。都唔明自己点解可以为咗个男人去呃我老豆，就只系知自己真系好爱好想见呢个男仔，最爱当然系俾人闹到仆街但都买咗几日後机票返香港。其实喺加拿大三年要我一时之间返香港都真系唔易，唔好讲我返到黎可以做啲咩，就只系PACK行李就已经唔系几日可以做得黎嘅，如今要我三日就撤出呢个地方，不过为咗个自己钟意嘅人小小事又有咩所谓，就喺我忙到傻嘅时候佢就打咗俾我：
男：『你系唔系两日後就返黎，可唔可以帮我买个GUESS银包，你果边好似平啲
我：『我出TOWN要个几钟车喎，我执紧野好多野做，不如唔好买啦
男：『都系车行又唔系你行，有咩所谓喎，你肯嘅无话远唔远
我又真系好傻仔咁真系出咗出买，连退学手续都未搅得掂就帮佢腾出腾入买野。
返到黎香港其实都真系好无聊，因为搬咗去同呢个男仔住同老豆闹咗场大交，香港学校又已经开晒学同埋个课程唔系好衍接到，加拿大无话咩拣唔拣科问题，加上自己都唔系好知应该可以点做，喺香港除咗阿哥之外我都可以话无人无物，一个FORM4仔喺香港又无朋友，又唔够年龄去返住PARTTIME先，成个生活就真系围绕住呢个男仔，就日日都呆喺屋企唔知有咩好做，又无钱出街又唔识搵学校。其实两个人喺同一个环境要面对柴米油真系好易会嘈，可能我无能力去唔依赖佢过活，