搵我，我都已经差吾多放低咗呢件事，调查亦都冇咩进展，更加冇见过阿头，而同阿ken嘅关系就已经变得若即若离，佢上我屋企过夜嘅时间亦都越离越少，见面就更加吾多，可能我又已经心有所属，我亦都冇咩点理佢，唉．．．原来人与人之间嘅关系就系咁脆弱，激情过後要继续维系亲密关系真系好难．．．．
今日收工後突然收到一个电话，不过今次吾系阿头call我，而系另一个警司级嘅高层搵我，叫我上总部见佢，我都心知不妙，带住患得患失嘅心情上去见佢。
上到去高层办公室，除咗上一次见board之外，我哋呢ｄ散仔都好少有机会见到ｄ咁高级嘅高层，重要上去佢办公室都系第一次，心情都系有少少紧张，佢态度好cool，招呼咗我坐低後就开始同我讲嘢。
高层：你阿头Peter已经休假，你做卧底嘅行动即时开始由我接管，以後一切事情直接向我滙报。不过成个行动会即时hold住，你暂时吾驶再follow查落去。
呢个消息我早有心理准备，迟早都会发生，吾感到突然，根据ｄ师兄同我讲，通常做完卧底都会休假一排当系过冷河，然後再会调去其他部门。
Ryan：咁我系吾系即时会休假呀？几时先可以再返工呀？
高层：休假？．．．系，冇错，你听日开始就吾驶再返军装果边，不过吾系休假，系停职接受内部调查直至另行通知。
佢木讷嘅态度令我心里面有股寒意涌上离，我果时真系感到好愕然，脑海一片空白，百思不得其解。究竟发生咩事呀？我要停职接受内部调查，我犯咗咩事呀？
Ryan：吓？停职接受内部调查？我犯咗咩事呀？
高层：系！你亦都吾驶咁紧张，都系例行调查．．．
Ryan：咁究竟我系涉嫌犯咗咩事要接受调查呀？系同我做卧底有关呀？
我即刻谂起上次卓晧细佬阿Don做完卧底之後又系比阿头Peter屈，话佢做卧底期间私吞收入，仲有私自行动等等！！我个心即时凉咗一截！！吾通Peter发现咗我偷佢手机资料，所以又对我重施故技？．．．