我当头棒喝，从道德高地上扯咗落离，突然间我觉得好惭愧，我同阿ken、同Johnny又系吾系建基於我嘅工作上面呢？尤其系阿ken，我同佢一齐到底系为咗工作定系．．．．？首先系阿ken，之後系Johnny，而家到卓晧，我先後同呢三个人发生过关系，我重好意思同卓晧讲话我吾系一个随便嘅人，我真系觉得好惭愧，我到底当佢地系攞料嘅对象定系．．．．？连我自已都搅吾清楚．．．
Ryan：我冇谂过要hurt你，．．．
卓晧：但系你会！！
Ryan：既然我地嘅关系变得咁复杂，不如我哋讲吓条件吖，就当系你比料我，你想有ｄ咩回报呀？等我同阿头倾吓！
卓晧：．．．好！我就信你一次咁多，我嘅要求系：我要转做污点证人。
Ryan：呢个我可以番去同阿头讲！！
卓晧：吾可以，你吾可以同你阿头讲，因为．．．
Ryan：因为咩呀？
卓晧：因为我要对付嘅．．．就系佢，你阿头．．．我辞咗份差佬，去接近黄sir，吾系为咗要做卧底拉佢哋，而系要对付你阿头：程志毅，Peter。
Ryan：吓．．．到底发生咩事呀？我吾明呀，佢到底得罪咗你ｄ咩呀？
卓晧：我系要为我细佬攞番个公道。
Ryan：你清楚ｄ同我讲吖．．
卓晧：好，我就同你讲清楚成件事：
我相信你都知道我细佬阿Don嘅事，不过你都只系知道表面嘅嘢，但成件事背後其实另有文章。我正式当咗差之後三年，阿Don又成功考咗入警校，其实系我鼓励佢嘅，我一直相信做警察系一份好有意义同使命感嘅工作，一直引以为傲，所以当我知道细考咗入警校，我真系好开心，但原来呢个决定系我一生中最大嘅错误、最大嘅遗憾，我真系好後悔。
阿Don比我聪明，再加上我从旁教路，佢响警校嘅成绩好好，重攞埋银鸡奖毕业，当时好多人都话我哋系警界孖宝。毕业後佢派咗去西九龙，日日放工返离都会同我讲佢返工嘅嘢，果阵时我哋嘅阿爸阿妈都已经吾系度，得我同阿Don两个，所以我哋嘅感情好好，成日都会用ｄ警例你考吓我我考吓你，我哋真系好开心。但系我都知道警界人事复杂，所以我都好担心佢，成日都会提醒佢要识做人（其实最吾识做人果个系我至真），吾好得罪ｄ阿头，吾系就冇运行；想紮职就要争取机会博表现，吾系就会做死一世散仔．．．。但其实阿Don为人比我圆滑，所以都好得同事同佢阿头嘅欢心，一切都好顺利。过咗几个月，我开始发现阿Don有ｄ异样，首先系佢同拍咗几年拖嘅女朋友分咗手，行为开始古古怪怪又好神秘，好多时明明吾驶返工，成日都吾见咗人，又早出晚归，有时重吾返离训添，都吾知去咗边，问佢佢又吾讲。有时出街又会着晒名牌西装，我问佢系吾系去饮，佢又话吾系。慢慢我同佢嘅关系好似生疏咗好多咁，见面同倾偈嘅时间都少咗，讲吾埋两句就会闹交。有一日同佢倾吾够两句又嘈起上离，佢居然话吾想成日比我管住晒，佢而家有经济能力，吾想再睇我面色，要独立，自已搬出去住，我当然强力反对，最後紧系不欢而散。我以为佢都系发吓脾气先至咁讲，等佢下咗火就会冇事，点知有一日我放工返屋企居然见到佢执走晒ｄ嘢，我果时真系好後悔成日同佢闹交，搅到佢搬走埋添，佢重连我打比佢嘅电话佢都吾听，又吾肯讲比我知搬咗去边，我果时真系好担心佢吾知系吾系识到ｄ坏人，点解会变成咁。同佢完全失去联络咗几日，我真系好担心，最後忍吾住等佢放工然後跟踪佢，先知道佢搬咗去警局附近嘅一个单位住。知道咗佢住边之後，我正想转身走之际，阿Don居然打电话比我。
阿Don：点呀？离到我楼下都吾上离坐吓呀？
卓晧：．．．吓．．．你点知我响你楼下架？
阿Don：有咩上离先讲啦！
我上到佢屋企，设备好简陋，睇得出系好仓猝嘅情况下搬入离住。对住阿Don一脸尴尬，都吾知讲咩好．．．
卓晧：你点知我响你楼下架？
阿Don：大佬，我都系差佬读过警校架，知道咩叫做跟踪，你都应该知道咩叫做反跟踪！
卓晧：识得窒大佬即系吾嬲啦，做咩粒声吾出自已搬出离住呀？又吾听我电话，知吾知大佬担心你架？
阿Don：我都廿几岁仔啦，吾再系细个拖住你手放学果个细佬啦，你都比机会我学吓自立啦，你吾驶担心我咁多。之前成日同你顶嘴我都觉得系我吾啱，你吾好放响个心度啦，但系既然我哋嘅生活模式都吾同，我都吾想日日同你闹交，咁我自已搬出离住，少ｄ磨擦，吾驶伤大家感情都系好事吖？你话系吾系？
我知我都系冇办法拗得赢佢，而且佢嘅讲法都吾系冇道理，佢都大个仔啦，总会有自己嘅主见，我都要尊重吓佢嘅。不过我都系要摆下大佬款。
卓晧：咁你而家吾驶理阿哥架啦，我吾理呀，见吾到人都要听到把声，吾准cup我电话呀！