冇咩可能再见，但系我一定要多谢你嘅帮忙，吾系你，我同细佬永远都放吾低咁多年离嘅心结，我同细佬以後会重新生活，今次嘅事情希望吾会为你带离太多麻烦，祝你响警队里面可以一步一步向上爬，但亦不要忘记我哋当日警校毕业礼上面所作过嘅承诺，做一个称职嘅警察。我吾会同你讲再见，亦都吾想再见，吾想再为你带来麻烦，永远都不要再见．．．。
过咗差不多半年，单案终於落幕，但只系对於有关贩毒嘅罪行作出起诉，大部份人都判咗应得嘅刑罚；Peter因为证据不足冇被起诉，但就要接受内部纪律聆讯，到而家都系投闲置散；Johnny就因为冇直接参与贩毒行为，主动认罪，又愿意指证集团主脑，所以判刑较轻。但系对於警察卖淫嘅事就集字不提，我连上庭都吾驶，相信警方都系吾想呢件事影响警队嘅形象，呢一点都系我意料之内。但系警方公布仍然有人在逃，通辑名单中卓晧亦都包括在内，而家黑白两道嘅人都要搵佢，我相信卓晧真系呢一世都冇可能再返离香港．．．
当我以为生活一切回复正常，原来我同卓晧之间嘅结局正在即将上演．．．今晚跟踪一个名人收集情报，跟到差不多凌晨，等到伙记接我班之後我终於可以收工返屋企，一个人响街行，可能因为戴着耳筒，对四周围环境嘅警觉性都低咗，连一个孔武有力嘅人行近我後面我都吾察觉，突然感觉到用有人沾有哥罗芳嘅毛巾噤实我口鼻，虽然我系受过训练嘅警察，但对方真系好大力，我根本未有足够时间去反抗就已经失去咗知觉．．．．
都吾知晕咗几耐，一盘冰水淋醒咗我，四周围环境好嘈杂，吾知有几多人，可能晕得太耐，攰到连眼皮都提吾起，只可以透过眼皮感受到一支好强嘅射灯射住我，射灯强得令我根本吾能够张开眼晴，但仍然透视到吾止一个人嘅剪影在我面前走动．．．神智慢慢清醒过来，就感受到自已嘅状态：打侧训响地上面，双手被绑实响前面，可能由於绑得太实，手腕嘅酸痛感觉令我发吾到力。灯光开始转暗，正当我尝识睁开眼睛时，另一桶冰水又再淋落离，而家天气最多只系得果十零度，衣衫尽湿嘅我全身抖震，吾好话反抗，就算连企起身都成问题，专业判断话比我知而家比佢哋知我醒返冇好处，唯有继续扮晕观察环境，顺便听吓捉我嘅人讲咩都好．．．！微微睁开眼睛，见到最少有五至六个人，其中有几个我认得出系贩毒案中嘅通缉犯，一个高大男人背着我对住另一个人讲嘢，佢嘅身体遮住咗我嘅视线，我睇吾到佢同边个讲嘢：「你吾好再口硬，你攞咗我哋咁多钱同货走，今日比我哋搵到你，你吾攞番晒出离，我肯放过你，成班兄弟都吾会放过你，你估你可以有命出返去咩？」
高大男行开咗我眼前嘅视线，居然见到系一个满身伤痕嘅人比另外两个人用脚踩住响地上，伤痕累累嘅佢满面鲜血，但都仍然认到系卓晧．．．吓，点解会系卓晧架？佢点解要返离香港？佢细佬阿Don呢？一百个问题涌上心头．．．。
「你口硬吾到几耐，我哋迟早会搵到你细佬，到时你就知死！不过而家比你见吓个好朋友先，我相信佢对你都应该系好重要！」
突然间有人猛力响我後面扯住我嘅头发抬起我个头，高大男人就推卓晧埋离同我面对面，近距离见到卓晧虽然满面伤痕，但眼里面仍然流露出坚定嘅神情，未有时间细看卓晧，我双手原来已经连系住一条由天花吊落离嘅铁链，铁链突然比人猛力向上拉，直到我整个人双脚离地悬空吊起，整个人嘅重量由手腕同膊头关节支撑，再加上湿透嘅衫裤令我全身发震，一时间痛苦难耐令我发出歇斯底里嘅惨叫声．．．．卓晧奋力挣扎想帮我，但比几个人踩实当然系有心无力．．．我唯一可以做嘅就系黙黙忍耐，就当系对卓晧最大嘅支持。悬挂半空嘅我身体已经不能自主，其中几个戴住黑超嘅男人开始对我拳打脚踢，我就根本毫无还击反抗之力，任由宰割。
「见你辛苦咗咁耐，一於比d好嘢你睇吓等你开心吓啦，哈哈哈！！」
卓晧：「你哋吾好搅佢呀，吾关佢事，你哋要搅就搅我啦．．．」
「点呀？咁紧张心痛呀？你乖乖哋将攞咗嘅嘢交番晒出离，我哋咪放你哋走攞．．．」
卓晧：「我都讲过好多次我咩都冇罗过，我今次番离只系想同细佬攞番ｄ病历纪录同药姐，果次班差佬行动得咁快，我根本冇可能有时间罗到d咩嘢！」
「你咪捻再扮嘢，我哋成班兄弟都认定一定系你做二五仔同班死差佬放料，将我哋一镬炒起，你根本一早就有计划咁样做，等班死差佬一行动你就乘乱走佬，吾系你冇可能可以走得甩冇比差佬拉到，枉大佬一路以离咁信你，你居然起我哋尾注，你都够大胆啦，你真系未死过！！」
卓晧：「你哋信我啦，如果我真系攞咗咁多嘢就吾会返离啦，你估我未死过咩？」
「咁你细佬又点解释呀？你一直隐瞒你细佬嘅事，好在最终比我哋查到你细佬原来就系几年前帮班死差佬做卧底果个学警，好彩大佬醒目，反客为主玩谢佢。你一定系怀恨在心，咁多年离处心积虑要向我哋报复」
卓