30/12/2011
高层连我点解要接受调查都冇讲，只系要我交出委任证，重叫我吾好离开香港等消息．．．离开警察总部，心情非常不安，自问当咗差咁多年，身为执法人员都好循规蹈矩，连过马路都吾会冲红灯，今日居然比高层同我讲要停职接受内部调查，我真系谂都冇谂过，吾通我嘅警察生涯就咁玩完？高层同我讲果句：「停职接受内部调查直至另行通知．．．」不断响我脑内重播缠绕着我．．．想搵阿头Peter又搵吾到；我又吾敢搵Johnny（惊比警方跟踪）；同阿Ken讲话我要放假一段时间（我当然冇讲出真正原因！）佢只系淡淡一句：哦，过咗几日重连响我屋企嘅嘢都搬走晒；所有差馆嘅同事都冇搵我，我都吾知佢地传紧我发生咩事？总之好似惊我连累佢哋咁．．．，突然间全世界都离弃我，令我觉得好无助。开始休假嘅日子，响屋企无所事事，每日提心吊胆警方会上门拉人，终日诚惶诚恐，後来重连街都吾敢出，因为一出街就会觉得好似有人跟踪住我咁，同坐监冇咩分别？
又过咗几个礼拜（确实几耐我都冇咩印象啦！！），又系另一个无所事事嘅一日，由於吾驶亦都吾想出街见人，成个人都变得不修边幅、头发长长兼满面胡须，连我自已都吾敢照镜，训到成十二点几先起身，心血来chao噤着部电视听吓新闻（都吾知几耐冇睇过电视啦），突然间一单新闻吸引咗我注意：
警方今晨四出采取名为扑火行动，拘捕多名涉嫌贩毒人仕，同时捣破多个贩毒中心，检获百多公斤毒品，消息指行动已经成功捣破一个主要向上流社会及专业人仕供应毒品嘅集团，而被补人仕系集团中嘅骨干成员，当中包括几个纪律部队嘅高层，警方指行动嘅成功主要靠混入集团中嘅卧底搜集重要情报得以破案，但调查中亦发现有警务人员涉嫌收取利益包庇罪犯，该名人员已经停职并接受内部调查．．．。
吓！！新闻讲嘅行动关吾关我事架？佢里面讲紧嘅收取利益警务人员系吾系讲紧我呀？？有冇人可以比我问吓呀？唯有即刻上网睇咗十几份报纸，份份讲嘅嘢都系差吾多，成晚都训吾着，最後我决定听朝就走上去总部搵嗰个高层问个明白。好不容易先涯过咗成晚，点知我未出门口之前就已经接到高层打电话比我叫我上总部，我心谂如果警方真系要告我就会搵人上门拉人啦，应该吾会call我上总部，所以我个心都定咗ｄ，不过就真系吾知发生咩事。
去到总部，仍然系见到一脸木讷嘅高层，
高层：警方对你嘅调查已经结束，冇证据证明你同事件有关，你下星期可以返情报科复职。
Ryan：到底发生咩事呀？昨日果单贩毒集团嘅新闻关吾关我事嫁？
高层：其实我都要同你讲番发生咩事，因为迟ｄ你有可能需要出庭作证。就响你停职前几日，我哋收一封匿名信，里面将整个贩毒集团嘅来龙去脉，涉及嘅人、制毒工场同洗黑钱嘅户口资料全部有齐，我哋立即跟住查落去发现全部都系坚料，所以就成立咗一个特别小组，就响前几日终於得到律政署嘅同意，再攞埋法庭拘捕令同搜令采取行动去拉人封舖。
Ryan：咁点解要停我职呀？我只系做卧底．．．我
高层：你放心，有份嘅系你阿头Peter，你帮佢做卧底，嫌疑都好大，加上我哋收到匿名信後Peter就失咗踪，根本问吾到佢关於你嘅嘢，所以要你停职接受调查，亦都搵人跟踪你睇吓Peter有冇同你联络。
（我有ｄ谂吾明，卓晧明明同我讲过Peter冇份，点解而家又话佢有份呢？重要失埋踪添．．．）
Ryan：咁查吾查到系咩人放料架？
高层：查吾到，封匿名信系用电邮send过离，科技组果边查过系由一个外国server寄出，冇线索可以查到。但其实佢ｄ料咁坚，佢应该系集团嘅高层成员，当中涉及咁庞大嘅利益，所以我哋对佢嘅动机都好怀疑。其实今次我约你上离都想问吓你，你做卧底期间有冇留意过呢个会系咩人。当然，就算冇佢出庭做证，ｄ料都已经足够入到果班人嘅罪，但如果可以联络到佢，咁就更加好。
Ryan：你要比ｄ时间我细心念吓先，我念到会通知你！！
高层：响我哋啦嘅果班人当中，其中一个系我哋警方嘅心理医生，根据纪录你应该见过佢一两次，佢同我哋落口供果时好合作，所有佢做嘅嘢都全部认晒，重愿意出庭指证果班人，你对佢有冇印象呀？
一下子我都吾知点答佢好，我惊讲得太多会影响Johnny．．．
Ryan：．．．我都系要细心谂吓先．．．
高层：好啦，咁一阵间你去特别小组度落返份口供！！重有冇其他问题吖？
Ryan：No, Sir. Thank You Sir.
同特别小组落完份口供，我当然冇讲有关Johnny同卓晧嘅嘢比佢哋知，佢哋都好口密，都吾愿意讲太多案情嘅嘢。离开总部，心里面就有几个疑团：
阿头Peter点解无端端会失踪，