（二十）
果晚大战过後，因为第二日（礼拜日）朝早约左屋企人饮茶，所以我起身同Kenny say个bye就直接走左。
喺搭地铁出番去期间，我数数手指，发现距离Kenny去读书只系剩番十日左右，唔知我会唔会喺佢临走前再见多佢一次呢？
过左两日，Kenny p我，问我礼拜六得唔得闲去佢farewell party。其实我预左果个礼拜六日要番去OT，而且同佢啲朋友又唔熟，怕去到会闷，但同时又怕今次唔去就再见唔到佢，天人交战咗之後，我决定问吓佢仲有无其他日子。
我﹕果日我唔firm呀！要加班。你个大忙人！临走前仲有无其他日子得闲食个饭呀？
Kenny﹕我礼拜四走，礼拜三晚要陪屋企人食饭，一系我过两日覆你啦。
我﹕好呀！
果两日我真系好忐忑，心谂如果佢话佢再无时间，咁我系咪就无机会再见佢？我有谂过不如我直接同公司讲果两日唔OT，然後同Kenny讲我得闲，但果两日OT全世界都番我唔番好似好怪咁；同时我又谂，如果Kenny肯为我逼出一啲时间食餐饭，系咪代表我喺佢心入面多少都占一定地位呢？
到礼拜四，终於收到Kenny的p回覆。
Kenny﹕光哥不如我临走之前约打番场波罗？
我﹕好呀…但系我呢个weekend两日都要OT呀！
Kenny﹕哦…咁…算罗。
我﹕er…咁你临走前边日得呀？最多我请半日假陪你打波罗！
Kenny﹕好呀好呀！光哥你真系好好人。礼拜二你得唔得呀？
我﹕应该无问题。
後来我忽然醒起同Kenny识左咁耐都未同佢去睇过戏，决定问佢要唔要睇戏打波直落。
我﹕喂，果日我请下昼假，两三点太热唔想打波住，去睇场戏先好唔好呀？
Kenny﹕好呀！咁啱先我都有套戏想睇！
我﹕你想睇边套呀？
Kenny﹕我想睇迷你兵团！
我﹕哦你渣主意啦。
Kenny﹕好耶～～我之前问我条女睇唔睇佢话幼稚喎，真系好光哥你肯陪我。
我﹕哈哈幼稚咪啱你罗！
Kenny﹕咁我买飞同book场。
眨下眼就去到礼拜二，果朝我快快手做晒手上啲工作，然後准时放工然後去戏院同Kenny会合。
因为系暑假，加上我地睇套动画片，所以闲日下昼个院都好多小朋友。其实我一路睇一路打喊露，因为套戏真系几幼稚下，果三只黄色怪做啲嘢好鬼无聊，剧情又平淡，但唔明点解全场好多人都笑得好开心，包括Kenny…
好彩套戏唔系好长，终於无无聊聊食吓爆谷就咁捱完左。
Kenny﹕光哥你觉得套戏唔好睇呀？我见你都无乜点笑ge？
我﹕少少无聊罗！
Kenny﹕我觉得几好笑呀！全场啲人都睇得好开心呀！
我﹕咪啱你呢啲幼稚人罗！仲有果三只嘢黄咁咁似你罗！
Kenny﹕似我？
我﹕似你咁”黄”呀！哈哈咸shi仔～
Kenny﹕顶！睇套卡通片你都话我系咸shi仔，系架，我认我咸架！
然後佢竟然趁我唔为意，伸手向我下体渣左一下。
我﹕屌你～公众场合黎架！
Kenny﹕话我咸呀麻，咪咸俾你睇罗～
我﹕我先唔好似你咁唔知丑呀。走啦，去打波啦！
我地book咗五点到七点，好彩今日唔算好晒，虽然个球场都系有啲焗。对抽左十五分钟之後，Kenny忽然有个提议。
Kenny﹕不如我地开game lor！我同你打左咁耐都未打过比赛！
我﹕哈哈你唔怕输到甩裤呀！
Kenny﹕咁口响？咁一系你让赛罗！
我﹕点让赛呀？
Kenny﹕每局都系我30-0领先开始。
我﹕哦！好啦！
Kenny﹕我赢咗咁点先？
我﹕哈哈哈！（真系笑出声）你真系觉得你会赢架？你赢到你锺意点咪点罗～
Kenny﹕真系我锺意点都得？
我﹕睇清况罗！咁无可能你叫我俾一百万你我都俾架麻！
Kenny﹕好啦！我一定要赢你！
我﹕我地边个发球先呀！
Kenny﹕我啦。
开波第一球，已经感受到Kenny要赢果份决心，因为我地平时都系对抽底线为主，好少玩发球，所以我无预期到佢发球有番几道板斧！明明我都无乜教佢发球，肯定系佢跟其他人学番黎的。
由於好唔适应佢发球的威力，佢连续两球发球我都接唔到，因为我每局先让佢两分的关系，意味住我唔够一分钟已经输咗第一