（二十三）
其实一年时间真系过得好快。呢一年，真系我有我ge生活，佢有佢ge忙碌，我本来以为佢走左我会好挂住佢，好唔习惯，但又好似无呢种感觉。除左佢啱啱到步无耐我地facetime过一次之外，其余时间我地都系好间唔中喺p留吓言联络，或者睇下佢ig先知佢最近过成点，大约知道佢话自己英文底子唔好追得好辛苦。
大约十二月头果阵(2015年)，佢有一晚忽然p黎。
Kenny﹕光哥我圣诞番黎香港陪你好唔好呀？
我﹕陪我？陪你条女ja下？
Kenny﹕哈哈，一样啦！ 咁我番黎一定都会搵你架麻！
我﹕你去几个月就番黎？钱多咩？做咩唔利用假期周围玩下呀？
Kenny﹕无呀～Nicole话想见我，daddy mummy都系，其实我都唔想坐咁耐机番黎架！
我﹕系罗！俾着我系你就利用呢个机会玩吓欧洲啦！以後出黎做嘢好难再有咁长假架！
Kenny﹕你又有道理！咁不如你飞黎同我一齐玩啦！
我﹕你以为我唔想呀，年尾啲假用晒啦！
Kenny﹕咁算啦！咁等我考虑下番唔番黎啦。
後尾佢都听左我的建议，利用个圣诞去左附近几个国家，见到佢去丹麦同埋德国啲相真系劲羡慕，奈何我已经用晒啲假。但唔知系咪因为佢圣诞无番黎的缘故，佢同Nicole段感情就出咗问题。大约系复活节前後，佢p我。
Kenny﹕光哥得唔得闲呀？
我﹕点呀？？潜左水好耐喎你！
Kenny﹕想搵人诉苦呀！我同条女散左啦！
我﹕吓？咁突然？
Kenny﹕系罗～佢话long D好辛苦喎！
我﹕但你暑假都番啦！
Kenny﹕咪系罗！都唔差果几个月啦！佢话我果阵圣诞唔番黎陪佢喎！
我﹕吓？但都距离圣诞三个月啦喎。
Kenny﹕唔知佢啦！
我﹕你点呀？无嘢吓？
Kenny﹕超～女死女还在呀麻！
我﹕识咁讲就得啦！
Kenny﹕等我今晚落pub，睇吓有无遇到索女可以执番剂先！
我﹕咁我祝你好运啦XDDD Keep tact la
过左几日之後，佢又message黎。
Kenny﹕光哥！我早两晚真系砌左个鬼妹呀！
我﹕So?
Kenny﹕讲黎等黎葡萄吓呀麻！
我﹕屌！巴之闭！外国鲍鱼好食啲ge系咪！
Kenny﹕不要去羡慕不要去妒忌…
我﹕on9
Kenny﹕哈哈所以我爽完而家心情无嘢啦！唔使担心我！
我﹕从来无担心你罗！
大约五月果阵，我同几个中学同学约好左暑假去英国玩两个礼拜，买左机票之後就p Kenny。
我﹕ 喂衰仔！我暑假黎英国呀！你得唔得闲招呼我呀？
Kenny﹕你几时黎？
我﹕29/7到lun敦。
Kenny﹕我番左黎香港啦！
我﹕咁快？
Kenny﹕系呀！Daddy叫我快啲番黎唔好嘥钱喎，所以叫我一毕业就番！
我﹕哦咁算啦！我地香港见啦！
Kenny﹕车！点解你要拣我唔喺度先黎？
我﹕鬼知你咁早走咩！仲谂住叫你带我食好西架麻！
Kenny﹕哈哈～太迟啦！早来的鸟儿有鲍食～
我﹕低能！
隔左唔够一日。
Kenny﹕光哥呀！你去完英国番黎有乜做呀？
我﹕番工罗！好似你咁唔洗捞咩？
Kenny﹕不如我地去转旅行罗？
我﹕你想去边？就我同你？
Kenny﹕无所谓呀！你有无假先？
我﹕我可以请多一个礼拜ge..
Kenny﹕咁不如问吓明仔佢地去唔去罗？
我﹕好呀！
结果我地喺唔到24小时之内，组成左四人旅行团（我、Kenny、明仔同星爷），决定喺我去完英国番黎之後隔两日飞转台北玩四日三夜。
而同时喺呢一个月，我亦开始咗喺呢度连载我同Kenny的故事。
到左七月中旬，Kenny番到黎香港。
Kenny﹕本大爷番左黎啦，光哥几时得闲招呼吓我？
我﹕weekend啦！约唔约打波呀？
Kenny﹕唔啦！好热呀！唔打啦，食饭算啦。
我﹕好呀！查实你走左之後我都好少打。
後来果餐饭其实都食得几开心，除左个仆街仔一直笑我肥左。