“你知唔知你着起医生袍个样真喺好怪异阿？”我望住企喺床尾帮我写病理报告嘅基佬话。佢此时此刻着住白恤衫，黑西裤，再披住件医生白袍，戴住副黑框眼镜，本来都似模似样，但喺偏偏佢最近学人铲青咗个头，仲喺上面堺咗几条坑，睇落成个有啲流氓Feel。所以型到唔似一个医生，哈哈。其实真系几奇怪，虽然基佬啲实习成绩好好，但系以佢个Look点睇都唔似医生，唔知点解间医院居然唔理佢。
基佬掘咗我一眼，无出声扮时运高。其实个场面都几怪异，我瞓喺病床度，一只脚包住石膏，而一啲都唔似医生嘅基佬就帮我做例行检查。大家唔好以为我哋喺度做紧戏喔。我阿Roy真系受咗伤，仲系几严重果只。事源早两日有一场篮球赛，我哋一直遥遥领先对方，点知班烂瘫唔愤气出Yin招。就喺我好型噤投篮嘅时候，起肘，结果就另到我好唔型噤扑咗街，而且成功送咗我入厂。左脚坳柴！好彩个波入咗，而结果都系我哋赢，否则真系会擹心口。
话说我受咗伤，老婆rou痛自然不在话下，点知连诚仔都发咗一轮脾气就真系令小弟有啲受宠若惊啦。受咗伤除咗要瞓医院好无自由之外，最重要都系无得孬孬。搞到啲存货逼住，好唔舒服。虽然不时有啲姑娘走嚟撩下我，可惜我无兴趣，而身边瞓埋晒嘅又全部系啲公公婆婆，平时如果无人嚟探我嘅时候真系会劲捻无聊。所以搞到我心情有少少唔好。唯一值得庆幸嘅系我俾人送咗入基佬实习果间医院，所以佢一得闲都会过嚟扮检查噤陪下我。但系佢又唔系0仔！而老婆佢哋个个又话呢度系医院要我收心养性！之但系我不嬲都有好多需要噶嘛。一谂到我仲要留喺度两个礼拜，真系有少少想死鸠咗佢咯。
讲咗噤耐，我谂大家都Get到我嘅意思啦，即系一个字讲晒，闷！
可能因为真系太闷啦，个人都变得无聊咗。我最近成日听隔离床个阿叔话呢间医院好猛。好猛乜？噤梗系果味嘢啦，唔通系老虎咩。於是我就问基佬：“喂，听讲咧，呢间医院好猛鬼噶啵。”
“唓，你系大学生嚟噶，噤迷信。”基佬似乎好鄙视我。
“噤啲百万富翁都睇风水睇到俾副身家人啦。”我反驳。
基佬望咗我一阵，就话：“噤呢度系医院，系连接生死嘅地方，就算有乜嘢都唔出奇。不过我个人未见过咯。”
“之但系咧。”我用手臂撑起个上身，细细声好似好神秘噤话，“我隔离床个阿叔话佢夜晚去我哋呢层个男厕咧，听到有果味嘢喊喔。”
“男厕？”基佬终於好似有啲兴趣，佢颚起头望住我。
“系阿，佢讲到似层层噤噶。佢话咧，有晚佢三更半夜去洗手间喔。点知去到一半嘅时候听到最入面个厕格度隐隐约约听到有人喊喔，吓到佢差啲瀬落条裤度阿。噤佢咪拿拿临屙完走人咯。”
“嗯…”基佬若有所思噤问，“你又唔问佢点解唔去睇下发生啲乜嘢事？可能真系有人匿埋喊咧。”基佬一边讲，一边好jian噤望住我笑。
我心谂，佢使唔使噤睇唔起啲兄弟啊，就有少少嬲话：“噤三更半夜啊，边个会噤得闲匿喺厕所喊阿？”
“你想知咩？”基佬好似望住无胆鬼噤望住我。
真系屌！佛都有火，我就话：“想知噤又点阿！？”
“今晚我当值，我哋可以去睇下噶。”基佬个笑容更加深，摆明睇死我唔够胆去。
我谂横掂有伴，死咪死，於是壮起胆话：“好阿，唔去果个正衰仔！”
就喺呢个时候，基佬个指导医生喺门口经过，见到基佬就话：“梁医生过嚟见一见我。”基佬应咗佢一声就好乾脆噤挂返个病历表喺床尾话：“噤，今晚十一点喺男厕门口，不见不散。”
“好，一言为定！”我就唔信我阿Roy会无胆过佢！
讲返基佬个指导医生，虽然佢系Senior，但系其实几後生，得30出头。但系睇落仲後生过基佬，而且佢啲皮肤白白净噤睇落成个人都好乾净。如果话基佬系非典型医生，噤呢个做佢指导嘅谈医生就系果种好典型嘅医生啦。高高瘦瘦，戴住副银丝眼镜。鼻高高，眼长长噤。讲嘢永远都斯斯文文噤喔，对病人又Nice。唔似得基佬噤成日都对病人恶形恶相，乜都管鸠住晒！所以好多病人都中意佢，而我就系其中之一。不过我嘅中意可能同其他有少少唔同，就系我多少有啲想屌佢。哈哈。
言归正传，我同基佬约好夜晚十一点喺我哋果层个男厕门口见。但系当时间到咗嘅时候我居然多少觉得有啲惊。但系我心谂无理由做衰仔被基佬睇捻死噶。所以最後都系决定，扶起对拐杖顶硬上。夜麻麻医院个走廊连鬼影都唔多只（闸住，系人影！），而且为咗悭电，连灯都唔开多盏，但系偏偏冷气又开到劲行喔！真系摆明吓鸠人啦。我呑咗啖口水，深呼吸咗一啖气，gui噤慢噤嚟到咗个男厕门口。
屌捻佢！基佬居然甩底！我喺门口根本见佢唔到咯。跟住我谂佢可能迟到，就等咗佢十分钟，但系条友根本唔蒲头！我真系俾佢激死，仲笑我，自己就唔出现！我越谂越唔愤气。跟住想走